1 në 3 pasagjerëve në Evropë iu vonua fluturimi gjatë vitit 2022

Shpërndaje lajmin

Sipas një sondazhi, trafiku ajror civil në Evropë ishte edhe një herë jo shumë i përpiktë edhe vitin e kaluar.
”Pavarësisht një orari të reduktuar të fluturimeve, 244 milionë pasagjerë u prekën nga vonesat dhe anulimet e minutës së fundit”, sipas analizës së të dhënave nga portali Airhelp për të drejtat e pasagjerëve.
Nga një total prej 795 milionë pasagjerësh të transportuar, kjo korrespondon me pak më pak se 31%.
Për krahasim, në vitin e fundit para krizës së koronavirusit në 2019, shifra ishte vetëm 24%, me 1,125 miliardë pasagjerë.
“Vera në veçanti tregoi se aeroportet dhe linjat ajrore nuk ishin të përgatitura për sa i përket personelit për rritjen e udhëtimeve ajrore si rezultat i pandemisë”, theksoi shefi i Airhelp, Tomasz Pawliszyn.
Sipas studimit, deri në 40% e pasagjerëve u përballën me probleme fluturimi gjatë muajve të verës.
Sipas Airhelp, Holanda ishte vendi me më shumë vonesa me 37%, e ndjekur nga Britania e Madhe dhe Gjermania së bashku, ku 36% e pasagjerëve pësuan vonesa.
 

Leave a Reply

Your email address will not be published. Required fields are marked *