Shpërndaje lajmin

Rusia do të reduktoje operacionet ushtarake në kryeqytetin Kiev dhe në qytetin Chernihiv në veri të Ukrainës, sipas deklaratave ruse pas bisedimeve për paqe me Ukrainën, të martën.
Duket se Rusia i ka ulur ambiciet, me pretendimin se përgjithësisht i ka “përmbushur” qëllimet e fazës së parë të pushtimit, që e përcaktoi si “reduktim të konsiderueshëm të potencialit luftarak të Ukrainës”.
Por, lufta vazhdon në lindje dhe në jug të Ukrainës, ku forcat ruse po përpiqen të krijojnë një korridor tokësor përgjatë bregut jugor, nga Krimea e deri në kufirin rus.
Një muaj pas pushtimit, Rusia deklaroi se qëllimi i saj kryesor ishte “çlirimi i Donbasit”, – duke iu referuar rajoneve lindore të Ukrainës, Luhansk dhe Donetsk -, dhe tha se operacionet ushtarake do i përqendrojë kryesisht në Donbas.
Por përtej synimeve të tij ushtarake, kërkesa në të cilën Putini ka këmbëngulur më shumë para fillimit të sulmeve është që të sigurojë neutralitetin e ardhshëm të Ukrainës.
Ukrainasit e kanë ofruar neutralitetin me garancinë nga ndërkombëtarët se siguria e Ukrainës nuk do të cenohet, si pjesë e një plani paqeje, të paraqitur në bisedimet në Turqi.
 
LEXONI GJITHASHTU:
Ukraina dyshon në zotimin e Rusisë për tërheqjen e trupaveThe post A i ka ndryshuar Putini synimet e tij? first appeared on Euronews Albania.

Leave a Reply

Your email address will not be published.