Aksidenti i frikshëm nga “Benz”-i luksoz, qytetarët: Vajza ishte në rrugën e vet, mbeti pa këmbë

Shpërndaje lajmin

Një vajzë rreth të 30-ave emri i së cilës ende nuk dihet mbeti e plagosur rëndë mbrëmjen e sotme si pasojë e një aksidenti në Kinostudio. ABC siguroi pamjet e aksidentit të frikshëm.

Kalimtarja ishte duke ecur në trotuar, kur një adoleshent 19-vjeç me inicialet J.B. humbi kontrollin e “Benz”-it luksoz me targa AA 888 XX nga shpejtësia duke dalë nga rruga dhe përfunduar në trotuar.

Pasi aksidentoi vajzën, makina mori përpara çfarë i doli duke u përplasur me një zyrë noterie dhe këputur një pemë. Të terrorizuar nga ajo që u panë sytë, qytetarët shprehen se “vajza ishte në rrugën e vet dhe tani mbeti pa këmbë e shkreta”.

Kalimtarët e rastit i dhanë ndihmën e parë të plagosurës, e cila ndodhet në spital në gjendje të rëndë për jetën. Drejtuesi i mjetit u shoqërua në ambientet e Komisariatit nr.4, për veprime të mëtejshme hetimore.

Grupi hetimor ndodhen në vendngjarje dhe po punon për sqarimin e rrethanave të ngjarjes.


Shpërndaje lajmin

Leave a Reply

Your email address will not be published. Required fields are marked *