April 16, 2021

Arratiset nga burgu i Zug-ut një i burgosur shqiptar

Shpërndaje lajmin

I burgosuri 29-vjeçar Qëndrim Atashi ia doli të arratisej gjatë kohës sa ndodhej duke punuar, jashtë burgut . Tani policia e Zugut po e kërkon atë me një mobilizim të madh, shkruan aargauerzeitung.ch.

29 vjeçari po vuante një dënim me burg “për vjedhje të ndryshme”, thotë një burim nga Policia e Zugut, transmeton albinfo.ch. Ai është larguar rreth orës 16 pasdite.

Atashi përshkruhet si një i ri me trup të hollë dhe gjatësi prej  170 centimetrash. Në kohën e arratisjes, ai kishte veshur pantallona ngjyrë hiri, një pulovër të gjelbër, një xhaketë të kaltër  të errët dhe këpucë të zeza. Ai ka flokë të shkurtër të zinj, mjekër të hollë dhe mustaqe.

Kushdo që ke ka parë atë ose mund të japë informacione përkatëse duhet të telefonojë menjëherë numrin e urgjencës së policisë, 117, përcjell albinfo.ch. Policia paralajmëron gjithashtu që ata që e identifikojnë, të mos flasin me personin në kërkim dhe të mos përpiqen ta ndalojnë atë.


Shpërndaje lajmin

Leave a Reply

Your email address will not be published. Required fields are marked *