Avionët e rinj luftarakë zviceranë, me probleme

 
Pas një polemike dhe kundërshtimi të gjatë nga partitë e krahut të majtë, vitin e kaluar Zvicra bleu 36 avionë luftarakë F-35 nga prodhuesi amerikan Lockheed Martin, përcjell albinfo.ch.
Qeveria argumentoi se këta avionë nevojiten për të zëvendësuar flotën aktuale të vjetëruar për të siguruar mbrojtjen ajrore të vendit.
Megjithatë, tani rezulton se avionët e rinj, të cilët ende nuk janë dorëzuar, mund të fluturojnë vetëm në mot të mirë.
Sipas një raporti të hënën në Tages-Anzeiger, bazuar në burimet e ushtrisë, nëse avionët fluturojnë shumë afër stuhive dhe goditen nga rrufeja, ata mund të shpërthejnë në flakë.
Prodhuesi pritet ta zgjidhë këtë problem përpara se F35-të të zbresin në Zvicër – shpresojmë në mot të mirë.
​