Banka Kombëtare e Zvicrës ka fituar 21 miliardë franga vitin që shkoi 

Share

Franken2520goldbarren2520119188596

Banka Kombëtare Zvicerane (SNB) edhe vitin e kaluar ka vazhduar serinë e fitimeve të larta. Sipas llogaritjeve të përkohshme, rezultati për vitin 2020 ishte një fitim vjetor prej rreth 21 miliardë frangash, shkruan srf.ch.

Në vitin 2019, megjithatë, fitimi kishte qenë dukshëm më i madh. Atëbotë SNB kishte raportuar një fitim neto prej afër 49 miliardë frangash.

Si në vitin e kaluar, sektori publik do të përfitojë nga fitimi vjetor me një shpërndarje totale prej 4 miliard frangash, transmeton albinfo.ch. Një e treta e shumës që do të shpërndahet i shkon Qeverisë Federale dhe dy të tretat u shkojnë kantoneve.

Pas kryerjes së pagesave, rezerva për shpërndarje do të jetë rreth 94 miliardë franga.

Fitimi i përmednur nuk është për t’u habitur. Për nëntë muajt e parë të vitit, SNB kishte raportuar tashmë një fitim prej 15.1 miliardë frangash, përcjell albinfo.ch. Sipas ekonomistëve të bankës UBS, SNB duket të ketë përfituar ndjeshëm në tremujorin e katërt, nga lëvizjet në tregjet globale të kapitalit.


Share

Komente