Biden shfuqizon vendimin për ndalimin e TikTok-ut në SHBA

Shpërndaje lajmin

Presidenti amerikan Joe Biden ka shfuqizuar urdhrin ekzekutiv të paraardhësit të tij Donald Trump, që ndalonte aplikacionet TikTok dhe WeChat në Shtetet e Bashkuara.

Kjo ndalesë është përcjellë me një mori sfidash ligjore dhe asnjëherë nuk është zbatuar.

Tani Departamenti amerikan për Tregti, do të rishikojë aplikacionet e dizajnuara dhe të zhvilluara nga ata që “përfshihen në listën e kundërshtarëve të huaj” të SHBA-së, siç është Kina.

Biden ka thënë se do të ketë qasje të bazuar në fakte, për të kuptuar nëse këto aplikacione përbëjnë kërcënim për sigurinë kombëtare të SHBA-së.

Trump pati nënshkruar urdhrin ekzekutiv për aplikacionin TikTok, që është në pronësi të kompanisë kineze Bytedance, më 2020.

Ai e pati përshkruar aplikacionin atëbotë, si kërcënim për sigurinë kombëtare.

Mirëpo ndërlikimet ligjore, dhe fakti që Trump është larguar nga pozita e presidentit, kanë nënkuptuar që as ndalesa dhe as përfshirja amerikane nuk janë jetësuar ndonjëherë.


Shpërndaje lajmin

Leave a Reply

Your email address will not be published. Required fields are marked *