December 8, 2021

Biden synon rritjen e prodhimit të vaksinave anti-Covid

Shpërndaje lajmin

E nxitur nga aktivistët për të rritur furnizimin me vaksina kundër Covid-19 në vendet e varfra, Shtëpia e Bardhë është gati të investojë miliarda dollarë për të rritur kapacitetin e prodhimit amerikan, për të arritur synimin e të paktën një miliard doza në vit duke filluar nga gjysma e dytë e vitit 2022, shkruan ‘New York Times’.

Investimi është hapi i parë në një plan të ri, që do të njoftohet sot, për një partneritet me industrinë private për të adresuar nevojat e menjëhershme të vaksinimit në SHBA dhe jashtë saj dhe përgatitjen për pandeminë e ardhshme.

“Investimi lidhet me sigurimin e kapaciteteve më të mëdha kundër varianteve të Covid-it dhe gjithashtu përgatitjen për pandeminë e ardhshme”, deklaroi David Kessler, i cili mbikëqyr shpërndarjen e vaksinave jashtë vendit për administratën.

“Qëllimi në rast të një pandemie të ardhshme, të një virusi të ardhshëm, është të kemi kapacitet për të vaksinuar brenda gjashtë deri në nëntë muajve nga identifikimi i patogjenit pandemik dhe të kemi vaksina të mjaftueshme për të gjithë amerikanët”, shtoi ai.

 


Shpërndaje lajmin

Leave a Reply

Your email address will not be published. Required fields are marked *