April 14, 2021

Bllokuan AstraZeneca-n, Britania kritikon ashpër BE-në

Shpërndaje lajmin

Në Qeverinë e Mbretërisë së Bashkuar një ministër i lartë ka paralajmëruar Bashkimin Evropian, pasi presidenti i Komisionit Evropian kërcënoi të bllokonte eksportet e vaksinave, duke thënë se “bota po ju shikon”.

Ministri i Mbrojtjes, Ben Wallace, tha se do të ishte “kundërproduktive” bllokimi i eksporteve të vaksinës AstraZeneca, një ditë pasi Ursula von der Leyen tha se një ndalim ishte i mundur.

Komisioni, i cili është përgjigjur duke bërë thirrje për qetësi, akuzon kompaninë për dështimin në përmbushjen e objektivave të rëna dakord, raporton Euronews.

“Bashkimi Evropian duhet ta dijë se pjesa tjetër e botës po e shikon Komisionin se si sillet për këtë”, tha Wallace për Sky News. “Nëse kontratat prishen … kjo është një gjë shumë e dëmshme që do t’i ndodhë një blloku tregtar që krenohet me ligjin”.

BE dhe Britania e Madhe kanë kundërshtuar për javë të tëra lidhur me eksportet e vaksinave. Kontinenti përballet me një mungesë të vazhdueshme dhe vendet po përpiqen të shpejtojnë programet e tyre.

 


Shpërndaje lajmin

Leave a Reply

Your email address will not be published. Required fields are marked *