Çfarë është droga xhelatinë? Ekspertët: Është vdekjeprurëse, të nisin hetimet

Megaoperacioni anti-drogë me 233 të arrestuar në të gjithë vendin dhe futja e drogërave të reja në vend ka ngritur shqetësimin e ekspertëve.
Njëra nga drogërat që mësohet se është futur së fundmi është xhelatinë. Ndërkohë ekspertët të ftuar në Euronews Albania, janë shprehur se ky lloj droge është vdekjeprurës.
Sipas tyre duhet të nisë hetimi se si është futur kjo drogë në vendin tonë.
Pjesë nga biseda në studio:
Gazetarja Aida Topalli: Droga vinte nga Kanadaja dhe ka hyrë në Shqipëri përmes aeroportit të Rinasi. Një formë ishte e konservë e peshkut. Janë droga të sheqerosura që shkrihen në gojë dhe ti merr të njëjtin efekt që merr nga konsumimi i kanabisit si cigare.
Ish-oficeri Dritan Zagani: Këto janë droga sintetike dhe këto janë tre herë më të dëmshme se kanabis.
Avokat Kujtim Cakrani: Këto drogëra janë drogëra që vijnë nga vendet e BE dhe nga SHBA. Këto janë forma që vijnë me banene. Mënyrat e transportit janë më të ndryshmet.  Këto janë drogëra shumë të rrezikshme për ata që i përdorin. Drogat sintetike kanë ngritur alarmin në të gjithë Bashkimin Evropian. Janë drogëra vdekjeprurëse ose të shkatërrimit të strukturës njerëzore. Duhet të hetohet se kush i sjellë këto droga në Shqipëri.
LEXONI GJITHASHTU: 

Militarizohet Shqipëria, 2100 rezervistë në stërvitje dhe gatishmëri
Presidenti Begaj dekreton lirimin nga detyra të zv.drejtorit të SHISH