Debati për hapjen e Urës së Ibrit/ Nevzat Luftiu: Problemet mes Kosovës e Serbisë, manifestohen drejtpërdrejt te shqiptarët e Luginës së Preshevës

Në emisionin “Real Story” në ABC News, Nevzat Luftiu, kryetar i Këshillit Kombëtar shqiptar në Luginën e Preshevës, foli për marrëdhëniet mes Kosovës e Shqipërisë, por duke u ndalur edhe tek tensionet e fundit shkaktuar mes Serbisë dhe Kosovës, sidomos pas vendimit nga autoritetet e Kosovës, për hapjen e Urës së Ibrit dhe se sa ndikon kjo tek shqiptarët në Luginën e Preshevës.
Ai u shpreh se shqiptarët e Luginës së Preshevës janë ato që preken drejtpërsëdrejti nga problemet mes Kosovës dhe Serbisë.
Pyetje: Siç e thatë edhe ju, janë lojëra politike, rëndësi ka thelbi vendimmarrës të jetë proeuropian. Ndërkohë Nevzat te ju situata është tjetër, jeni në kushte mbijetese siç e thatë është tjetër, ju jeni në kushte mbijetese në Preshevë. Sa ndikojnë vendimmarrjet e qeverive, ku shqiptarët janë faktorë. Shqipëria – Kosova, Maqedonia e Veriut apo edhe Mali i Zi te situata juaj atje. Debati që ka psh, qeveria e Kosovës për hapjen apo jo të urës mbi Ibër, duket në pamje të parë sikur është çështje vetëm e Kosovës. Por a është cështje vetëm e Kosovës? A është një vëndimmarrje për hapjen e urës së Ibrit, deri diku pa u konsultuar me aleatët tanë, NATO-BE, një vendim që ndikon te të gjithë ne. Ju në Preshevë te ne në Tiranë, apo Podgoricë dhe Shkup?
Nevzat Luftiu: Pyetje shumë e drejtë për shkak që, ndodh shumë shpesh që problemet mes Kosovës dhe Serbisë, fillimisht manifestohen te shqiptarët e Luginës së Preshevës. Po përmend një fakt, në mars të këtij viti, ne kemi patur një premtim nga ambasadat mike të Luginës së Preshevës se në muajin Mars do të njihen diplomat e studentëve shqiptarë të Luginës së Preshevës të cilët kanë studiuar në Kosovë. Në atë periudhë, ishte çështja e dinarit dhe Serbia mori si pretekst për ta shtyrë këtë proces jashtëzakonisht të rëndësishëm për shqiptarët e Luginës së Preshevës. Kjo nuk do duhej të ndodhte në asnjë mënyrë, por normalisht që atmosfera mes vendeve ndikon dhe manifestohet te ne. Nëse ka vend edhe kjo çështje, edhe në kohën e Open Ballkan, një iniciativë që në një shoqëri normale është dashur jashtëzakonisht shumë të përshëndetet, por unë besoj se testi më i mirë i Open Ballkan, kanë qenë shqiptarët e Luginës së Preshevës, sepse ka patur iniciativa që sot i gëzojmë për shkak të Open Ballkan, por jo në nivelin apo masën e duhur që në mënyrë të drejtpërdrejtë e kishte përmirësuar situatën tonë atje. Për çfarë arsye po e them këtë? Sepse po të paraqitej ndonjë investitor nga Shqipëria për të investuar në Luginë të Preshevës, jam i bindur se ai do bllokohej. Pra ai do mund të investonte dikur tjetër në Serbi, por jo në Luginë. Dhe unë besoj se testi i vërtetë i atij procesi kanë qenë shqiptarët e Luginës së Preshevës.
/ /