Donald Trump rikthehet në Youtube
YouTube ka rikthyer llogarinë e Donald Trump pas një pezullimi prej dy vitesh. Vendimi vjen pas disa vendimeve të mëhershme të Meta-s që ka në pronësi Facebook-un dhe Instagramin dhe po ashtu vendimin e Twitter.
Ish – presidentit amerikan iu bllokua llogaria në janar të vitit 2021 për shkak që kishte thyer rregullat duke nxitur dhunë.
“Duke filluar nga sot, kanali i Donald J. Trump nuk është më i kufizuar dhe mund të ngarkojë përmbajtje të reja”, u njoftua nga YouTube, raporton BBC, përcjellë Albinfo.ch.
“Ne vlerësuam me kujdes rrezikun e vazhdueshëm të dhunës në botën reale, duke balancuar mundësinë që votuesit të dëgjojnë në mënyrë të barabartë nga kandidatët kryesorë kombëtarë në prag të zgjedhjeve. Ky kanal do të vazhdojë të jetë subjekt i politikave tona, ashtu si çdo kanal tjetër në YouTube”, thuhet tutje, përcjellë Albinfo.ch.
Donald Trump ka më shumë se 2.6 milionë abonentë në YouTube, 87 milionë ndjekës në Twitter, 34 milionë në Facebook dhe 23 milionë në Instagram.