EMRI| Sherr me thika mes të rinjve në Tiranë, 1 i vdekur

Një ngjarje e rëndë ka ndodhur mbrëmjen e kësaj të diele në Tiranë, ku pas një sherri me thika mes disa të rinjve, një person ka humbur jetën.
Burime bëjnë me dije se viktimë ka mbetur 18-vjeçari Aurelio Dervishi.
Sipas informacioneve paraprake, 18-vjeçari u plagos rëndë pas sherrit të ndodhur në zonën e Shkozës, dhe ndërroi jetë rrugës për në spital.
Tiranë/Informacion paraprak
Më datë 31.03.2024, rreth orës 21:50, tek rrethi i Shkozës, si pasojë e një konflikti të çastit mes disa shtetasve që lëviznin me dy automjete, (të cilët më pas janë konfliktuar fizikisht me mjete prerëse), është goditur me mjet prerës shtetasi A. D., 18 vjeç.
Si pasojë e dëmtimeve të marra ky shtetas ka ndërruar jetë rrugës për në spital.
Grupi hetimor po punon për kapjen e autorëve të dyshuar dhe sqarimin e rrethanave të ngjarjes.