January 17, 2022

Faton Vukshinaj ndeshet me rumunin Florin Cardos nesër në Grand Casino Basel

Shpërndaje lajmin

Duke qenë se viti 2020 ishte një vit i zi për shumë ngjarje sportive, si pasojë e pandemisë Covid 19, edhe bota e Boksit profesionist u godit nga kjo gjendje.

Edhe pse në mungesë të ndeshjeve, Faton „El Vulcano“ Vukshinaj, boksieri shqiptar nga Baseli kishte shfrytezuar këtë kohë më së miri, duke u përgatitur e duke shpresuar se kohëra të mira do të vijnë, shkruan albinfo.ch

Me të filluar viti 2021, „Vullkani“ shqiptar, i etur për ndeshje, kryqëzon dorëzat me kampionin e pamposhtur gjerman të peshave të mesme, Alexander “The Great” Rigas, ku pas 8 raundesh, me vendim unanim të gjyqtarëve, shpallet fitues i kësaj ndeshje, që llogaritet si më e madhja në karrierën e tij, që hap dyert për një ndeshje për ndonjë titull të rëndësishëm.

Me 10 Muaj vonesë, duket se mundësia për një titull për Fatonin po duket në horizont.

Me 4 Dhjetor, në Grand Casino Basel, në ndeshjen e vlefshme për titullin vakant në Kategorinë e mesme të WBC Francophone, Faton Vukshinaj do të ndeshet me rumunin Florin Cardos.

Vukshinaj, i përgatitur dhe i etur për një Titull, hyn në këtë ndeshje me dymbëdhjetë Fitore dhe dy barazime, duke shpresuar kështu që të korrë edhe fitoren e 13 si dhe trofeve të tij tia shtojë edhe një Titull ndërkombëtar. Përderisa, boksieri rumun, Cardos, nga 23 ndeshje të zhvilluara si boksier profesionist, 21 i ka fitore përderisa ka regjistruar 2 humbje. I krujuar në vitin 2014, Titulli WBC Francophone, përfshinë mbi 70 vende frankofone. Edhe pse një titull minor, kampionit të këtij titulli në Kategoritë e ndryshme, i garantohet një vend në Top 40 në Ranglistën e WBC( World Boxing Council), shkruan tutje albinfo.ch


Shpërndaje lajmin

Leave a Reply

Your email address will not be published. Required fields are marked *