Feronikeli nënshkruan kontratë me të riun Sokol Kiqina

Share

Klubi nga Drenasi, Feronikeli ka njoftuar zyrtarisht nënshkrimin e kontratës me lojtarin e talentuar, Sokol Kiqina, i cili vjen nga akademia e tyre.

Disa e shtunë ka sjell nënshkrimin e parë të dimrit për klubin e Feronikelit.

Është vet klubi drenicas që ka njoftuar me anë të faqeve zyrtare nënshkrimin e kontratës profesionale me talentin e tyre Sokol Kiqina.

Njoftimi pa ndërhyrje i Feronikelit

Gjatë ditës së sotme, në zyret e FC Feronikelit, ka nënshkruar kontratën e parë profesionale, sulmuesi nga akademia e FC Feronikelit, Sokol Kiqina.

Kiqina ka kohë që stërvitet me ekipin e parë dhe ka bindur kryetrajnerin, Klodian Duro, që ta ketë edhe zyrtarisht me ekipin e parë.

Kiqina tashmë ka dy paraqitje me FC Feronikelin, duke arritur të realizojë një gol, për ndeshjen e Kupës së Kosovës.

Ai luan në pozitën e qendërsulmuesit, i aftë të luajë edhe në pozita tjera sulmuese.

Duro ka kohë që bashkëpunon fuqishëm me akademinë e FC Feronikelit, duke ofruar gjithnjë lojtarë të rinjë me ekipin e parë, duke i dhënë mundësinë secilit që të dëshmohet.

/Telegrafi/


Share

Komente