‘Flakë në det’|Pjesë e grupit të Gëzim Çelës, lihen në burg 3 të arrestuarit (Emrat)

Lihen në fuqi nga Gjykata masat e sigurisë ‘arrest në burg’ për 3 të arrestuarit e fundit në kuadër të dosjes “Flakë në det”.
Sipas burimeve, bëhet me dije se gjatë seancës të akuzuarit si pjesë e grupit të strukturuar kriminal të “baronit të drogës”, Gëzim Çelës, nuk kanë pranuar të japin deklaklarime dhe thanë se do të flasin në një moment të dytë.
Bëhet fjalë për shtetasit Alket Deda, Ksenofon Bodo e Selami Lushkaj, të cilët dyshohet të kenë marrë pjesë në disa vepra kriminale.
Avokatët kërkuan masa më të buta sigurie duke pretenduar se nuk ka prova të mjaftueshme për të ngritur akuzën.