Fluksi në aeroporte, kompania që paralajmëron reduktim fluturimesh  

Shpërndaje lajmin

Wizz Air ka parqlajmëruar të reduktojë fluturimet këtë verë për shkak të mungesës së fuqisë punëtore dhe grevave në aeroportet evropiane.
Shefi Ekzekutiv i kësaj kompaniw József Váradi, pati deklaruar në muajin qershor se kompania ishte e sigurt se do t’i rikthehej produktivitetit para COVID-it duke arritur përdorimin e plotë të aeroplanëve këtë vit.
Të hënën, kompania tha se pret ta reduktojë përdorimin me 5% të tjera për sezonin e verës, për ta zvogëluar ndikimin e “ndërprerjeve të vazhdueshme të jashtme”.
Pas një dështimi të shkaktuar nga varianti i Coronavirusit, Omicron, kërkesa për udhëtime është rritur përsëri, me kompanitë ajrore të cilat parashikojnë që gjatë udhëtimeve që kanë të bëjnë me pushimet verore në korrik-shtator do t’i rrisin fitimet e tyre.
Megjithatë grevat dhe mungesat e personelit po i detyrojnë linjat ajrore të anulojnë mijëra fluturime dhe njëkohësisht të shkaktojnë radhë të gjata me orë të tëra në aeroportet kryesore në të gjithë Evropën.
 
Kompanitë ajrore i kanë rritur tarifat për t’i kompensuar kostot më të larta të karburantit, me pilotët dhe ekuipazhet e kabinës që kërkojnë paga më të larta për shkak të inflacionit.
Kompania ajrore skandinave SAS (SAS.ST) anuloi qindra fluturime javën e kaluar pas dështimit lidhur me bisedimet me pilotët për ta arritur një marrëveshje të re kolektive.
 
Ndërkohë, Britania paraqiti plane të ndryshme për industrinë javën e kaluar, duke përfshirë ndihmën në rekrutimin e stafit, pasi aeroporti më i ngarkuar i vendit Heathrow u kërkoi linjave ajrore të anulonin 30 fluturime të planifikuara për shkak të numrit të pasagjerëve që e tejkalonin kapacitetin e aeroportit të enjten.
Heathrow të hënën kërkoi falje për shërbimin “të papranueshëm” në javët e fundit dhe sinjalizoi se mund të kërkonte më shumë shkurtime të fluturimeve.
Wizzair Londër, i cili të hënën raportoi një humbje operative prej 285 milionë euro në tremujorin e parë, tha se pret të kthehet me një fitim “material” këtë tremujor.
Sipas kësaj kompanie, faktori i tij i ngarkesës, i cili e bën matjen se sa mirë një linjë ajrore po i mbush vendet e disponueshme, që nga muaji korrik, ka vazhduar së përmirësuari deri në masën prej mbi 90%/Reuters
 

Leave a Reply

Your email address will not be published.