September 25, 2021
Shpërndaje lajmin

Komisioni i Pavarur i Kualifikimit vendosi konfirmimin në detyrë të gjyqtares së Apelit Administrativ, Enkelejda Metaliaj, pas dy seancave dëgjimore të realizuara me të.  

 

Gjyqtarja Enkelejda Metaliaj pas shpalljes së vendimit nga KPK. Foto: Edmond Hoxhaj

Komisioni i Pavarur i Kualifikimit shpalli të hënën vendimin për konfirmimin në detyrë të gjyqtares së Gjykatës Administrative të Apelit, Enkelejda Metaliaj (Softa).

Trupi gjykues që kreu procesin e rivlerësimit për gjytaren Enkelejda Metaliaj kryesohej nga Etleda Çiftja, me relatore Pamela Qirkon dhe anëtar Roland Ilian.

Një denoncim i kryer gjatë seancës së parë dëgjimore në kuadër të procesit të rivlerësimit për gjyqtaren Metaliaj të zhvilluar më datë 25 mars, solli riçeljen e hetimit. Gjatë asaj seance u evidentuan mungesa financiare për pagesën e dy kësteve për një apartament; pamundësi për të vërtetuar ligjshmërinë e burimeve financiare të një huaje në vlerën 35 mijë euro; si edhe mospërputhje e pasaktësi në deklarimet për kriterin e pasurisë.

Ndërkohë Metaliaj u vlerësua pozitivisht për figurën dhe profesionalizmin.

Në seancën e dytë të zhvilluar më 22 prill, Metaliaj u pyet për dy denoncime të reja dhe për shitjen e pjesës së saj takuese të shtëpisë së familjes së origjinës.

Enkelejda Metaliaj (Softa) e ka nisur karrierën në sistemin e drejtësisë në vitin 2000 dhe ka punuar si gjyqtare në Gjykatat e Durrësit dhe Tiranës. Në vitin 2016, ajo u dekretua si gjyqtare e Gjykatës Administrative të Apelit.


Shpërndaje lajmin

Leave a Reply

Your email address will not be published. Required fields are marked *