I shpallur në kërkim për kultivim droge, arrestohet 47-vjeçari në Kakavijë

Shpërndaje lajmin

Një 47-vjeçar është arrestuar nga policia kufitare e Kakavijës pasi ishte shpallur në kërkim për veprën penale “Kultivim i bimëve narkotike” kryer në bashkëpunim.

47-vjeçari i identifikuar me inicialet E.K., banues në Nikël, Krujë ishte shpallur në kërkim në kuadër të operacionit “Agimi”.

“Ky shtetas ishte shpallur në kërkim nga Komisariati i Policisë Krujë, në kuadër të operacionit policor antikanabis të koduar “Agimi”, pasi dyshohet se në bashkëpunim me 8 shtetas të tjerë, ka kultivuar bimë narkotike në fshatin Nikël, Krujë.

Si rezultat i operacioni antikanabis “Agimi” që u zhvillua më datë 30.05.2021, në territorin e rrethit të Krujës, u arrestuan në flagrancë 16 shtetas, u proceduan në gjendje të lirë 3 shtetas dhe u shpallën në kërkim 24 të tjerë”, njoftoi policia.

Shtetasi E. K. iu dorëzua shërbimeve të Komisariatit të Policisë Krujë, për procedura të mëtejshme.


Shpërndaje lajmin

Leave a Reply

Your email address will not be published. Required fields are marked *