Ish-garuesi rus i Formula 1 nuk i shpëton sanksionimit, Italia i sekuestron pasuri të konsiderueshme

Shpërndaje lajmin

Italia ka sekuestruar prona me vlerë rreth 105 milionë euro (87,79 milionë paund, 114,45 milionë dollarë) në pronësi të ish-pilotit rus të Formula 1, Nikita Dmitrievich Mazepin dhe babait të tij oligark, raporton “Reuters”, duke cituar dy burime policore.
Operacioni thuhet se kishte në shënjestër një vilë, e njohur si “Rocky Ram” në Sardenja veriore. Është pjesë e përpjekjeve më të gjera që synojnë penalizimin e rusëve të pasur të lidhur me Vladimir Putinin pas pushtimit të Ukrainës më 24 shkurt nga Moska. “Reuters” thotë se menaxheri i PR i shoferit nuk ka komentuar ende.
Mazepin, i cili u shkarkua në mars nga ekipi F1 në pronësi të SHBA-së, Haas, është përfshirë në një listë sanksionesh të BE-së së bashku me babanë e tij, Dmitry, të cilin revista zyrtare e Bashkimit Evropian e përshkroi si një anëtar të rrethit më të ngushtë të Putinit.
Në javët e fundit, policia italiane ka sekuestruar vila dhe jahte me vlerë mbi 900 milionë euro nga rusët e pasur, të cilët u vendosën në një listë sanksionesh të Bashkimit Evropian pas konfliktit në Ukrainë.
Pasuria më e vlefshme e sekuestruar deri më tani është një superjaht në pronësi të miliarderit Andrey Igorevich Melnichenko, me vlerë rreth 530 milionë euro, i cili u sekuestrua në portin verior të Triestes./h.ll/

Leave a Reply

Your email address will not be published. Required fields are marked *