Itali: Dy mërgimtarë të goditur me thikë gjenden në mes të rrugës

Shpërndaje lajmin

Raportohet se dy mërgimtarë janë gjetur të plagosur me thikë, të shtrirë në anë të rrugës, në Pescara të Italisë, në zonën e Villa Raspa di Spoltore, njofton albinfo.ch.
Të plagosurit janë E.B., 41 vjeç dhe L.C., 39 vjeç. Të dy u gjetën mbrëmjen e së mërkurës nga një makinë e rastit. Drejtuesi i këtij mjeti pa lëvizje në anë të rrugës dhe ndaloi. Aty gjeti dy burrat të gjakosur dhe të goditur me thikë.
Menjëherë u dha ndihmën e parë dhe i dërgoi në spital. Shtypi italian raporton se 41-vjeçari është në gjendje më të rëndë. Kurse 39-vjeçari ka plagë në këmbë.
Pasi gjendja e tyre shëndetësore të stabilizohet, do të merren në pyetje nga policia për të zbardhur rrethanat.
Shkaqet e ngjarjes nuk dihen dhe është e paqartë nëse të dy kanë plagosur njëri-tjetrin me thikë apo janë sulmuar nga persona të tjerë. Kjo pritet të përcaktohet nga hetimet e autoriteteve italiane në vijim. /Albinfo.ch
 
 
 

Leave a Reply

Your email address will not be published. Required fields are marked *