September 18, 2021

Italia ndalon udhëtimet nga India

Shpërndaje lajmin

Italia ka ndaluar tashmë hyrjen në territorin e saj të personave të ardhur nga India, në prag të një shpërthimi epidemik të COVID-19, njoftoi sot ministri i Shëndetësisë, Roberto Speranza në faqen e tij në Facebook.

“Kam nënshkruar sot një urdhër të ri që ndalon hyrjen në Itali të personave që kanë qenë për 14 ditë në Indi”, shkruan Speranza.

“Residentët italianë mund të rikthehen, por duhet të bëjnë një test antiCOVID-19 në nisje dhe mbërritje dhe për të qendruar në karantinë pas rikthimit të tyre”, theksoi ministri.

“Çdo person që ka qëndruar në Indi për 14 ditë dhe ndodhet në vendin tonë duhet të kontaktojë autoritetet shëndetësore”, shtoi Speranza.

“Ne nuk mund të ulim kujdesin. Të premten ka qenë një ditë rekord në nivel botëror me 893 000 raste pozitive, 346 000 vetëm në Indi”, theksoi ministry, transmeton ATSH, përcjell albinfo.ch.

India, që numëron 1,3 miliardë banorë, është në prag të një shpërthimi epidemik shumë të rëndë me 349 691 raste të reja të regjistruara sot.

Në shtatë ditë, vendi ka regjistruar më shumë se dy milionë raste të reja, një rritje me 58% në raport me një javë më parë, sipas të dhënave zyrtare.


Shpërndaje lajmin

Leave a Reply

Your email address will not be published. Required fields are marked *