Italia sekuestron pronën me vlerë 105 milionë euro të ish-pilotit të Formula 1

Shpërndaje lajmin

Italia ka sekuestruar një kompleks banimi në pronësi të ish-pilotit rus të Formula 1, Nikita Mazepin dhe babait të tij Dmitry, i cili njihet si një ndër oligarkët më të afërt të Presidentit të Rusisë, Vladimir Putin.
Policia italiane bëri me dije se vlera e kësaj prone arrin në 105 milionë euro dhe ndodhet në Sardenja, shkruan CNN.
“Një pasuri e paluajtshme me vlerë rreth 105 milionë euro është sekuestruar, pasi i atribuohet miliarderit rus Dmitry Arkadievich Mazepin dhe djalit të tij Nikita Dmitrievich Mazepin. Prona është një kompleks banimi në Portisco, Sardenja”, thuhej në njoftimin e policisë.
Nikita dhe babai i tij, janë të përfshirë në listën e personave të sanksionuar nga Bashkimi Europian, për shkak të pushtimit rus në Ukrainë.
Pak ditë para fillimit të kampionatit botëror të Formula 1, skuadra amerikane e Haas vendosi të heqë pilotin rus, për shkak të lidhjeve të babait të tij me Presidentin rus.
Prona e sekuestruar në Sardenja të Italisë

Leave a Reply

Your email address will not be published. Required fields are marked *