Kërkohet rihetim për vrasjen e refugjatëve shqiptarë në Mal të Zi

0
Shpërndaje lajmin

18 prilli shënon ditën kur në Kaluxherski Laz më 1999 u vranë gjashtë persona dhe pesë të tjerë u plagosën, e pastaj u vranë edhe 11 të tjerë, të gjithë të nacionaliteti shqiptar, përcjell albinfo.ch.
Për këtë, koordinatorja e Programit për të Drejtat e Njeriut në Qendrën për Edukim Qytetar (CGO) në Mal të Zi, Tamara Milash, thotë se ka paqartësi në procesin gjyqësor të vitit 2008 për këtë rast, shkruan klankosova. “Me rastin e 24-vjetorit të krimit të luftës në Kaluxherski Laz, Qendra për Edukim Qytetar shfrytëzon rastin që të ftojë Prokurorinë Speciale të Shtetit që në përputhje me obligimet nga Strategjia për Hetimin e Krimeve të Luftës, por edhe qasjen e miratuar të shqyrtimit të shumë lëndëve nga periudha paraprake, të merret në shqyrtim dhe ky rast, dhe në mënyrë që përfundimisht të konstatohen të gjitha rrethanat dhe faktet dhe të arrihet deri te aktakuza dhe aktgjykime të qëndrueshme të fajësisë”, thuhet në njoftim, përcjell albinfo.ch.
Kujtojmë se koloneli në pension, Predrag Strugar dhe pjesëtarët e ish-Ushtrisë Jugosllave u liruan nga akuzat për krime lufte kundër popullatës civile, të cilat, sipas aktakuzës, ishin kryer në Kaluxherski Laz në pranverën e vitit 1999. Ata akuzoheshin për shkelje të rregullave të së drejtës ndërkombëtare dhe trajtim çnjerëzor të popullatës civile të kombësisë shqiptare, shkruan klankosova.
“Ka ende shumë paqartësi rreth këtij krimi, sepse para, gjatë dhe pas procedurës janë shfaqur informacione të ndryshme për numrin e viktimave, kohën e vrasjeve dhe lëvizjen e paligjshme të kufomave të viktimave”, shton Milash, përcjell albinfo.ch.
Milash thekson se “në aktakuzën e ngritur më 30 korrik 2008, prokuroria ka deklaruar se më 18 prill 1999 në vendin e quajtur Kaluxherski Laz janë vrarë gjashtë persona dhe pesë janë plagosur, ndërsa në raste të tjera që kanë ndodhur nga 18 prilli deri më 21 maj 1999, 11 persona të tjerë u vranë në të tjera lokacione”.
Në mars 2007, Zyra e Prokurorit të Lartë të Malit të Zi filloi një hetim kundër oficerit të Ushtrisë së Jugosllavisë (UJ) Pavle Strugar dhe 11 ish-anëtarëve të UJ-së për pjesëmarrjen e tyre të dyshuar në krime lufte pranë kufirit me Kosovën, shkruan klankosova.
Në gusht të vitit 2008, prokuroria ngriti një aktakuzë kundër Strugarit, komandantëve Momçillo Barjaktaroviq, Petar Labudoviq dhe Aco Knezheviq dhe rezervistëve Branislav Radniq, Boro Novakoviq, Mira Bojoviq dhe Radomir Gjurashkoviq, përcjell albinfo.ch.

Leave a Reply

Your email address will not be published. Required fields are marked *