Konjufca: Asociacioni nuk bën të themelohet para marrëveshjes

Asociacioni i Komunave me shumicë serbe nuk bën të themelohet para marrëveshjes, ka thënë kryetari i Kuvendit të Kosovës, Glauk Konjufca. Kjo pasi, sipas tij, një gjë e tillë do të ishte një gabim i madh.
Ai tha se Kosova duhet të shkojë në takimin e Ohrit me pozicion të qartë.
“Duhet të shkojmë me pozicionin tonë që marrëveshja është e konstruktuar kështu: Ndodh njohja de facto dhe pastaj Kosova ia gjen modusin Asociacionit. Nëse nisemi prej të kundërtës, Kosova pëson dhe dëmtohet dhe është gabim me u pozicionua ashtu”, ka thënë Konjufca, në ATV, përcjell Albinfo.ch.
Ai tha se themelimi i Asociacionit do të ishte vetëm si një lloj premtimi abstrakt, e cila nuk është dëmtim i madh për Kosovën, por me këtë, mund të bëjmë një hap të madh përpara.
“Pra, kurrgjë tu dhanë më shumë se sa Gjykata Kushtetuese që ka dhënë, na me mujt me e kapë njohjen De-Facto prej Serbisë që do të ishte një ecje përpara. Por, unë mendoj se kjo nuk do të ndodh për arsye se Serbia nuk do ta pranojë këtë, se se ajo i qet në peshore, sa peshon me e njoftë Kosovën De-Facto dhe pas njohjes De-Facto, cilat janë perspektivat e Serbisë, çka mundet me fitu Serbia, çfarë lloj të mekanizmit në Kosovë. Unë mendoj që mundet me e kriju një forum të Komunave Serbe, ku ata mblidhen dhe ata folin për problemet e tyre”, tha Konjufca./Albinfo.ch/