Koronavirusi i merr jetën ish-ministrit të Brendshëm të PD-së, vdes në avion gjatë transportit për Itali

Share

Ish-zv.kryeministri dhe ish-zv/ministri i brendshëm i Shqipërisë, Bashkim Kopliku ka ndërruar jetë sot nga COVID-19.

Ai ishte prekur nga virusi dhe ishte në gjendje të rëndë teksa kurohej në spitalin e Durrësit.

Për këtë arsye u vendos dhe dërgimi i tij drejt Italisë për mjekim të specializuar, ku edhe ndërroi jetë në avion gjatë transportit.

Mësohet se ai kishte refuzuar që të shtrohej në spitalet Covid në Tiranë.

Me profesion inxhinier elektronik, Kopliku në skenën politike do të mbahet mend si një politikan me identitet të fortë politik dhe një kritik i ish-kryeministrit Aleksandër Meksi dhe ish- presidentit Sali Berisha.

Ai ishte ish-zëvendëskryeministër dhe ministër i Brendshëm i qeverisë së parë të Partisë Demokratike më 1992 dhe dy herë deputetë në parlamentin e Shqipërisë.

Pas vitit 1997, pasi u largua nga Partia Demokratike, ai nuk u përfshi më në politikë, ndërsa ishte i pranishëm mediatikisht në debatet politike.

5b2cd6cf326f682654e6cbd3c09eea6a L 1

The post Koronavirusi i merr jetën ish-ministrit të Brendshëm të PD-së, vdes në avion gjatë transportit për Itali appeared first on Media .


Share

Komente