‘Kosova nuk është Serbi’, Vuçiç i përgjijget akademikut serb: S’jam dakord. S’mund ta pranoj këtë deklaratë histerike

Share

Pas deklaratës së kryetarit të Akademisë serbe të Shkencave, Vladimir Kostiç ku pranoi se ‘Kosova nuk është Serbi’, ka reaguar presidenti serb, Aleksandër Vuçiç.  

Në reagimin e tij, Vuçiç shprehet se nuk e pranon histerinë e akademikut, por shtoi se pavarësisht se është kundër mendimeve të tij, duhet të bisedojmë dhe tolerojmë njëri-tjetrin dhe jo “t’ia shajmë nënën dikujt nëse mendon ndryshe”.

“Ai është një njeri që tregoi guxim dhe përgjegjësi për të shprehur një qëndrim që nuk është i shumicës, ashtu si filluan sulmet kur përmenda se duhej bërë përkufizimi i kufirit [me Kosovën]. Më sulmuan nga të gjitha anët, dhe askush nuk më ofroi kurrë një alternativë, përveç ‘prisni’.

Dhe çfarë do të presim? As vet nuk e di se çfarë do të presim. Sidoqoftë, duhet të ulemi për të biseduar, për të rënë dakord mes nesh, për të qenë korrekt dhe të drejtë dhe për të thënë se çfarë është një zgjidhje kompromisi. Nëse nuk kemi një mundësi, atëherë të gjejmë dhjetë mundësi për të ruajtur paqen, nëse është fare e mundur. Mendoj se është një qasje racionale dhe serioze. Fakti që ne do t’i bërtasim presidentit të Akademisë Serbe të Shkencave dhe Arteve, sepse ne jemi patriotë të mëdhenj …

Dhe për çfarë janë më mirë disa prej nesh? Për atë që kemi më shumë xhipa, Maserati dhe Ferrari? Ai është budalla dhe ju jeni i zgjuar? Ka të vërtetë në atë për çfarë ai po fliste, ka gjëra që unë mendoj se mund të marrim më shumë, nuk mund të pajtohem plotësisht”, tha Vuçiç.


Share

Komente