Kosovë: Mashtrim me viza, arrestohen 2 persona që kërkuan 4 mijë euro për një vizë

Mashtrimi me viza vazhdon të jetë fenomen në Kosovë derisa vendi ende përballet me kufizim të lirisë së lëvizjes drejt zonës Schengen, shkruan Albinfo.ch.
Së fundmi, Policia e Kosovës ka njoftuar se ka arrestuar dy të dyshuar për një rast mashtrimi që kishte ndodhur në Gjakovë.
Të arrestuarit dyshohet se e kanë mashtruar një grua se do ta pajisin me vizë, duke i marrë asaj 4000 euro.
“ Lidhur me rastin me date 23.04.2022 janë arrestuar dy të dyshuar meshkuj kosovar pasi që të njëjtit kanë mashtruar viktimën femër kosovare duke i marrë shumën prej 4000 euro kinse për ta pajisur me vizë. Me vendim te prokurorit pas intervistimit të dyshuarit janë dërguar në mbajtje”, thuhet në raportin e Policisë.