Kremlini: Putin do të vizitojë rajonin e Donbasit në kohën e duhur
Presidenti rus Vladimir Putin do të vizitojë rajonin e Donbasit “në kohën e duhur”, tha të shtunën një zëdhënës i Kremlinit, duke iu referuar zonave të pushtuara nga Rusia në Ukrainën lindore.
“Kjo me siguri do të ndodhë në kohën e duhur, sepse është pjesë e Federatës Ruse”, tha zëdhënësi i Kremlinit Dmitry Peskov për agjencinë shtetërore ruse të lajmeve, Tass.
Më 5 tetor, Putin nënshkroi masat që aneksonin katër rajone të Ukrainës në kundërshtim me ligjin ndërkombëtar. Territoret e pretenduara nga Moska janë Donetsk, Luhansk, Zaporizhzhia dhe Kherson.
Procesi i aneksimit, i cili është i paligjshëm sipas ligjit ndërkombëtar, erdhi pas të ashtuquajturave referendume në rajone që u hodhën poshtë botërisht si “mashtrime” nga Ukraina dhe vendet perëndimore.
Ndërsa zyrtarët e Kremlinit pretendojnë se ato rajone tani i përkasin Rusisë, trupat e Moskës nuk kontrollojnë tërësinë e këtyre territoreve.