January 13, 2022

Kujdeset intensive zvicerane në ‘kapacitetin më të lartë’ që nga fillimi i pandemisë Covid

Shpërndaje lajmin

Zyra Federale e Shëndetit Publik të Zvicrës raportoi të enjten se njësitë e kujdesit intensiv të vendit janë më të plota se sa kanë qenë në çdo kohë në pandeminë Covid, përcjell albinfo.ch.

Gjysma e atyre që janë në shtretërit e ICU në Zvicër janë pranuar për shkak të Covid.

Zvicra ka gjithashtu incidencën e saj më të lartë shtatëditore të Covid-it, e cila është shifra e përdorur për të përcaktuar se sa raste ka për 100,000 në popullatën e përgjithshme.

Zvicra tani ka “incidencën më të lartë që nga fillimi i pandemisë”, sipas ministrit të Shëndetësisë Alain Berset, duke iu referuar shkallës aktuale të Zvicrës prej 741.

Për një krahasim, incidenca shtatëditore e Gjermanisë është aktualisht rreth 350, në Francë rreth 500 dhe në Itali rreth 200.

Rritja e pacientëve me ICU

Gjatë javës së kaluar ICU-të kanë parë një rritje të pacientëve me Covid, me 15 për qind më shumë pacientë Covid që kanë nevojë për trajtim në ICU sesa një javë më parë.

Aktualisht janë 273 pacientë të pranuar për shkak të Covid në Zvicër, për të cilin autoritetet paralajmërojnë se është rrezikshmërisht afër shifrës së 300.

211 prej tyre janë në ventilatorë, që është 20 për qind më shumë se javën e kaluar.

Siç raportoi The Local më herët në dhjetor, ICU-të zvicerane nuk janë në gjendje të shtojnë më shtretër për shkak të mungesës së stafit, pwrcjell tutje albinfo.ch.

Katër nga pesë të shtruar në spital Covid janë të pavaksinuar

Që nga 27 janari kur filloi fushata e vaksinimit, 77.5 për qind e pacientëve me Covid të shtruar në spitalet e Zvicrës nuk janë vaksinuar kundër virusit.

2.5 për qind ishin të vaksinuar pjesërisht, ndërsa 20 për qind e mbetur kishin bërë dy vaksina.

Në të njëjtën periudhë – pra që nga fillimi i vaksinimeve – 1635 persona, statusi i vaksinimit të të cilëve dihej, kanë vdekur nga Covid. Prej tyre, 69 përqind ishin të pavaksinuar, pesë përqind ishin pjesërisht të vaksinuar dhe 26 përqind kishin marrë të dyja dozat e vaksinës.

94 për qind e atyre që vdiqën pavarësisht se ishin plotësisht të vaksinuar ishin mbi 70 vjeç.


Shpërndaje lajmin

Leave a Reply

Your email address will not be published. Required fields are marked *