Ligj për arbitrazhin në Shqipëri, miratohet me votat e mazhorancës nisma e qeverisë

0
Shpërndaje lajmin

Për herë të parë, Shqipëria do të ketë një ligj të posaçëm që rregullon funksionimin e Gjykatës së Arbitrazhit. Qëllimi është që do të zgjidhë mosmarrëveshjet tregtare mes shtetit dhe bizneseve.
Komisioni i Ligjeve i ka dhënë dritën jeshile vetëm me votat e mazhorancës socialiste projektligjit të sjell nga qeveria për arbitrazhin. Zv.ministri i drejtësisë, Klajd Karameta deklaroi se nisma synon të sjell impakt pozitiv për ekonominë në vend.
“Nisma për miratimin e një ligji të ri që rregullon arbitrazhin vlerësohet pozitive, çmohet të sjell impakt pozitiv për të gjithë grupet e interesit veçanërisht për investitorët dhe bizneset e huaja në vend, zhvillimi i mëtejshëm i të cilëve do të gjenerojë më shumë të ardhura në buxhet të shtetit dhe do ketë ndikim pozitiv në ekonomi duke i mundësuar qeverisë të kryejë edhe më shumë investime publike”- tha Klajd Karameta zv.ministër i Drejtwsisë.
Por deputetët e opozitës ngritën shqetësimin e tërheqjes së Shqipërisë nga gjykata ndërkombëtare e arbitrazhit në Strasburg, referuar një deklarate të kryeministrit Rama.
“Do të vazhdojë shteti shqiptar të njoh vendimet e gjykatës ndërkombëtare të arbitrazhit të strasburgut apo do të dalim nga juridiksioni i kësaj gjykate sikundër ka thënë kryeministrit”- theksoi Bledion Nallbati, deputeti i PD.
“Po flasim për dy gjëra komplet të ndryshme. Drafti që kemi përpara rregullon arbitrazhin në republikën e shqipërisë, ndërkohë ajo që i referoheni ju ka të bëjë me dicka që ka të bëjë me ekzekutimin e vendimit të arbitrazhit.- tha më tej Karameta.
Nëpërmjet këtij projektligji, qeveria synon të shmangë proceset në arbitrazhin ndërkombëtar, ku ka humbur disa gjyqe.
LEXONI GJITHASHTU: 

Sulmi me granata në komunën e Mitrovicës së Veriut, Albin Kurti thirrje Serbisë
Situata në Veri të Kosovës, Dauti: Pse Britania është në të njëjtin qëndrim me SHBA

Leave a Reply

Your email address will not be published. Required fields are marked *