Lucerni rishikon sistemin e pagave për mësuesit

Sipas Këshillit Kantonal të Lucernit, pagat janë një faktor i rëndësishëm në luftën kundër mungesës së mësuesve, prandaj Parlamenti sot miratoi disa propozime mbi këtë çështje, një prej tyre kërkon një rishikim të sistemit të pagave, shkruan Blick.
Anëtarët e Këshillit kantonal ishin të shqetësuar për mungesën e punëtorëve të kualifikuar në shkolla.
Ndër kërkesat përfshiheshin thirrja për një “plan veprimi sistematik” dhe për kushte më të mira pune, përcjell albinfo.ch.
Këshilli qeveritar mbështeti parashtresat dhe bëri të qartë se nuk kishte asnjë ilaç kundër fenomenit kombëtar dhe të kahershëm. Këshilli kantonal e ndoqi atë dhe i referoi postulatet, kjo përfshinte gjithashtu kërkesat për plane veprimi dhe një rishikim të sistemit të pagave.
Në radhë të parë, ishte SVP-ja që u tha ‘jo’ kërkesave.