Mbretëresha e Sinaloa, ‘nusja’ e El Chapo merr kartelin pas arrestimit të ‘miut’

Pas kapjes dhe ndalimit të Ovidio Guzmán , i njohur si “miu”, i cili është djali dhe pasardhësi i Joaquín ‘El Chapo’ Guzmán, emri i Adriana Meza Torres u bë i rëndësishëm.
Disa media meksikane morën këtë emër duke e përmendur atë si gruan e supozuar të trafikantit të drogës të kapur së fundmi dhe kreun e kartelit Sinaloa.
Ovidio u arrestua më 5 janar, në qytetin Culiacán , në shtetin Sinaloa, në një operacion ku humbën jetën 10 ushtarë dhe 19 të dyshuar për krime.
Kush është Adriana Meza Torres?
Meza do të kishte pseudonimin ‘Mbretëresha e re e kartelit Sinaloa’ dhe do të ishte pasardhëse e Emma Coronel, gruaja e Joaquín Guzmán Loera dhe e cila po përballet me procedime ligjore në Shtetet e Bashkuara, brenda grupit kriminal.
Përveç kësaj, Meza është vajza e Raúl Meza Ontiveros, i cili ishte nëntoger i “El Mayo” Zambada, që njihej në organizatën kriminale si “M-6” dhe u vra në një operacion në vitin 2017.
Gazeta meksikane ‘El Universal’ thekson se ajo është motra e Raúl Torres Meza, i njohur si ‘El mini M-6’ , i cili vdiq në administratën e Felipe Calderón.