Me 25 nëntor merret vendimi për 50 eurot për të infektuarit me Covid-19

Share

Kreu i Prishtinës, Shpend Ahmeti, përmes një postimi në Facebook ka bërë të ditur se më 25 nëntor do të merret vendimi që të prekurve me COVID-19 t’u ndahen nga 50 euro.

“Sot, në takim me partitë politike në Kuvendin Komunal të Prishtinës u dakorduam se vendimi për ndihmën prej 50 euro për të infektuarit me virus do të merret në mbledhjen e jashtëzakonshme të Kuvendit, të mërkurën me 25 nëntor, 2020”, ka shkruar Ahmeti.

Ai ka shtuar se deri të martën do të diskutohet edhe më tutje për ta definuar modalitetin dhe kriteret.

“Një ndryshim që u diskutua sot është që vlera e ndihmës për pensionistë të infektuar me covid do të jetë 100 euro. Të gjitha këto në emër të shpenzimeve shëndetësore për shërbimet dhe medikamentet që nuk mund t’i marrin në sistemin publik shëndetësor”, ka thënë Ahmeti. “Edhe njëherë sikurse edhe shumë herë më parë falënderoj Kuvendin dhe të gjitha partitë për unitet dhe konstruktivitet kur reagohet për krizën dhe ndihmën për qytetarët. Nder e krenari”.

The post Me 25 nëntor merret vendimi për 50 eurot për të infektuarit me Covid-19 appeared first on Arbresh.info.


Share

Komente