Mërgimtarët e cilave shtete dërgojnë më shumë para në Kosovë?

Shpërndaje lajmin

Mërgimtarët nga Zvicra dhe Gjermania janë kontribuesit më të mëdhenj, transmeton albinfo.ch.

Së fundmi, Banka Qendrore e Republikës së Kosovës (BQK) ka njoftuar se remitencat vazhdojnë të jenë njëra ndër shtyllat kryesore të të hyrave për Kosovën.

Kosova ka pranuar afro nëntë miliardë euro remitenca në 13 vjetët e fundit.

Theksohet se këto mjete financiare që dërgojnë qytetarët e Kosovës, të cilët jetojnë jashtë vendit, te familjet e tyre, nuk kanë munguar edhe gjatë pandemisë me COVID-19.

Në Kosovë, në vitin 2020, vlera e remitencave, sipas të dhënave të Bankës Qendrore të Kosovës (BQK), ishte rreth 940 milionë euro. Kurse në tremujorin e parë të këtij viti, vlera e remitencave kap shumën e mbi 200 milionë eurove.

Marrë parasysh se qytetarët e Kosovës kryesisht jetojnë në numër më të madh në Gjermani dhe në Zvicër, theksohet se remitencat kryesisht, sipas të dhënave të BQK-së, dërgohen nga këto dy shtete me shumën më të madhe të të hollave.

 


Shpërndaje lajmin

Leave a Reply

Your email address will not be published. Required fields are marked *