Ministri turk tregon se çfarë u arrit në Stamboll për luftën në Ukrainë

Shpërndaje lajmin

Ministri i Jashtëm i Turqisë, Mevlut Cavusoglu tha se “konsensusi dhe mirëkuptimi i përbashkët”, u arrit midis delegacioneve ukrainase dhe ruse për disa çështje gjatë bisedimeve në Stamboll të martën.
“Përparimi më domethënës në negociata është bërë sot,” tha Mevlüt Cavusoglu për bisedimet e ndërmjetësuara nga Turqia.
Ai përshëndeti përparimin e bërë veçanërisht në “prioritetin kryesor të arritjes së një armëpushimi sa më shpejt të jetë e mundur për të hapur rrugën për një zgjidhje të përhershme politike”.
Cavusoglu tha se çështjet më të ndërlikuara do të diskutohen në nivele më të larta, me një takim midis ministrave të jashtëm rusë dhe ukrainas për të bërë rregullimet përfundimtare në qasjen e përbashkët.
Ai nënvizoi se një takim midis presidentit rus Vladimir Putin dhe atij ukrainas Volodymyr Zelenski është në rendin e ditës. Autoritetet ruse deklarojnë se një takim i tillë mund të mbahet nëse ka shanse për arritjen e një marrëveshjeje mes dy vendeve.
Rusia ka vendosur që të zvogëlojë operacionet e saj ushtarake në Kiev dhe Chernihiv, thanë negociatorët rusë.
 
LEXONI GJITHASHTU:

Rusia tërhiqet nga operacionet ushtarake në 2 qytete të Ukrainës
Pa rubla ndalohet furnizimi me gaz, kundërpërgjigjja e Rusisë
Putin synon ‘skenar korean’ për Ukrainën, thotë shefi i shërbimit inteligjent
The post Ministri turk tregon se çfarë u arrit në Stamboll për luftën në Ukrainë first appeared on Euronews Albania.

Leave a Reply

Your email address will not be published.