Nazarko: Nevojitet kohezion politik për çështjen e Kosovës

Share

Ish-drejtuesit e lartë të UÇK-së po përballen në Gjykatën Speciale të Hagës me akuza të rënda ku përfshihen krimet e luftës, krimet kundër njerëzimit dhe torturat.

Në bankën e të akuzuarve është tanimë edhe ish-drejtuesi politik i UÇK-së, ish-kryeministri por edhe ish-presidenti i Kosovës, Hashim Thaçi e bashkëpunëtorë të tij gjatë luftës e pas saj, si Kadri Veseli, Jakup Krasniqi apo Rexhep Selimi.

Por ajo që ka krijuar pështjellim por edhe reaksion politik e publik është përfshirja e Lulzim Bashës, asokohe përkthyes i misionit ndërkombëtar të kombeve të Bashkuara UNMIK në Kosovë, në hetimet e kryera për llogari të Hagës ndaj ish-luftëtarëve të UÇK-së.

Këto zhvillime u komentuan në studion e emisionit “Top Talk”, ku i ftuar ishte analisti Mentor Nazarko.

Sipas tij, roli i liderit demokrat Basha është pa ndikim në procesin e gjykimit të ish-luftëtarëve të UÇK-së në Hagë. Nazarko theksoi se në këto momente do të ishte mirë që të gjithë shqiptarët të mbajnë qëndrime të përbashkëta ndaj çështjes së gjykimit të ish-luftëtarëve të UÇK-së e të mos devijohen nga çështja kryesore.

“Unë e kam gjetur në qëndrimin që ka mbajtur krehu i LDK-së, Isa Mustafa, që i bënte thirrje Shqipërisë të mos e ekzagjerojnë me rolin e zotit Basha, sepse është devijim i çështjesh kryesore. Ajo e zotit Mustafa ishte një thirrje për të mbajtur qëndrime të përbashkëta ndaj çështjes së gjykimit të ish-luftëtarëve të UÇK-së. JO. Kjo varet nga roli që ai ka pasur. Në atë çfarë ka bërë publike në angazhimet në Kosovë, roli i tij ka qenë i një asistenti legal dhe përkthyesi, nuk duhet t’i atribuohen atij këto çështje. Unë i mirëkuptoj, merrem, di të vëzhgoj, eventet dhe marrëdhëniet që krijojnë partitë në fushatat elektorale. E shoh totalisht të vështirë të gjej ndonjë rol përcaktues, ndikues, ndihmës, përveç asaj që thash angazhimit të zotit Basha në atë hetim që kanë zënë fill në vitet 2003-2004. Marrja e medias me këtë temë është legjitime, që politika të merret me këtë temë, nuk prodhon asgjë, as në ndihmë të atyre që janë atje, as të dëmtojnë Bashën. Gjithmonë e përsëris, me këtë nivel njohje që kam, me dokumentacionet që kam, nuk shihet asnjë përgjegjësi e Bashës në ato dosje hetimore”, u shpreh Nazarko.

The post Nazarko: Nevojitet kohezion politik për çështjen e Kosovës appeared first on Arbresh.info.


Share

Komente