Ndeshje dramatike në “Elbasan Arena”, Apolonia i ‘vjedh’ barazimin Partizanit në frymën e fundit

Share

Superliga shqiptare ka ulur siparin me ndeshjen Partizani-Apolonia, duke përmbyllur kështu javën e 13 të Kategorisë Superiore. Të kuqtë janë surpizuar në fund fierakët, pasi nuk kanë shkuar më shumë se barazimi 1-1. Të kuqtë kaluan të parët në avantazh me golin e Tedi Carës në minutën e 80 të takimit. Futbollisti përfitoi nga një gafë në mbrojtje e ekipit të Apolonisë, duke gjuajtur saktë nga brenda zonës me këmbën e majtë.

Kur mendohej se “Demat” do të triumfonin, Apolonia shtagu ekipin e Ilir Dajës me Zaimin, i cili barazoi shifrat në minutën e 96 me një gol nga pika e bardhë e penalltisë.

Me këtë barazim, Partizani renditet në vendin e 4 me 20 pikë, po aq sa Laçi dhe Teuta, ndërsa Apolonia mban vendin e fundit me 9 pikë.

Në ndeshjet e tjera u arritën këto rezultate:

1-Bylis-Tirana   0-0

2-Laçi-Kukësi   3-2

3-Kastrioti-Skënderbeu   2-2

4-Vllaznia-Teuta    1-0  (Ndeshje e zhvilluar të premten më 8 janar)


Share

Komente