April 19, 2021

Nga jugu në veri, ARRSH: Këto janë rrugët me probleme, dëbora do vijojë me intensitet të lartë

Shpërndaje lajmin

Ministria e Infrastrukturës deklaron se gjatë natës do të vijojnë reshjet intensive të dëborës nga jugu në veri, ndërsa ka bërë edhe një pasqyrë të rrugëve me probleme në të gjithë vendin. Ministria e pranon se gjatë mbrëmjes ka pasur “probleme në qarkullim në akset kombëtare”.

Sipas Infrastrukturës, “mjetet borëpastruese dhe punonjësit e kompanive kontraktore të mirëmbajtjes janë në gatishmëri të plotë, duke bërë të mundur mbajtjen hapur të akseve rrugore”, por situata në Rrugën e Kombit paraqitet krejt ndryshe, e bllokuar në disa segmente.

Situata paraqitet problematike veçanërisht në Qarqet e Kukësit, Dibrës dhe Korçës” thuhet më tej. Në njoftim paralajmërohen shoferët që nuk do të lejohen të lëviznin në akset problematike pa goma dimërore apo zinxhirë. “Reshjet e borës do të vazhdojnë me intensitet të lartë edhe gjatë natës dhe për këtë arsye ARRSH ka koordinuar punën me Policinë e Shtetit për të mos lejuar lëvizjen e mjeteve në akset problematike pa goma dimërore apo zinxhirë”.

NJOFTIMI I PLOTE
Rajoni verior dhe jugor janë përfshirë gjatë ditës së sotme nga reshje dëbore me intensitet të lartë, shoqëruar me erëra të forta, të cilat gjatë mbrëmjes janë shtuar edhe më tepër, duke shkaktuar probleme në qarkullim në akset kombëtare.

Mjetet borëpastruese dhe punonjësit e kompanive kontraktore të mirëmbajtjes janë në gatishmëri të plotë, duke bërë të mundur mbajtjen hapur të akseve rrugore. Situata paraqitet problematike veçanërisht në Qarqet e Kukësit, Dibrës dhe Korçës.

Sipas informacioneve nga strukturat përkatëse, reshjet e borës do të vazhdojnë me intensitet të lartë edhe gjatë natës dhe për këtë arsye ARRSH ka koordinuar punën me Policinë e Shtetit për të mos lejuar lëvizjen e mjeteve në akset problematike pa goma dimërore apo zinxhirë.

Ju bëjmë thirrje qytetarëve që të mos neglizhojnë përdorimin e gomave të dëborës, apo zinxhirëve gjatë lëvizjes në akset problematike, pasi bllokimi i tyre në rrugë pengon punën e borëpastrueseve.

Situata paraqitet si më poshtë:

RAJONI VERIOR
• Në aksin Trebisht- Doganë (Xhepisht) ka reshje borë 30-35cm, qarkullohet me zinxhirë.
• Vijojnë reshje me intensitet të lartë në akset Klos – Peshkopi. Në Qafën e Buallit reshjet shoqërohen me erë të fortë.
• Segmenti Urë Cereneci – Klenjë, ka reshje dëbore 30 – 35cm, shoqëruar me erë. Qarkullimi rekomandohet me zinxhirë.
• Qafë Bualli – Krastë, 20 – 25cm borë, rekomandohet qarkullimi me zinxhirë
• Segmenti Kuben – Vasije, reshje dëbore që arrijnë 30-40cm, kalohet me zinxhirë.
• Peshkopi – Qafë Draje rreth 5-10cm bore, kalohet pa zinxhirë.

QARKU KUKES
• Aksi Kukës – Bushtricë, vazhdojnë reshjet e borës, e kalueshme me zinxhirë.
• Në aksin e Valbonës ka rënë rreth 2 cm borë në segmentin km 19 – 27.9, me temperatura të ulëta, aktualisht qarkullohet pa zinxhirë.
• Në aksin Krumë- Kukës ka reshje dëbore me intensitet, kalohet pa zinxhirë.
• Krume – Qafe Prush, kryqëzimi Plepa-Kam, e kalueshme pa zinxhirë.
• Kukës – Ura e Zapodit qarkullohet pa zinxhirë.

QARKU SHKODER
• Reshje bore edhe në Pukë – Fushë Arrës.
• Aksi Q.Mali – Fierze ka pasur rreth 20 cm borë. Është punuar për pastrim. Qarkullimi rapotohet normal pa zinxhirë. Reshjet vazhdojnë.
• Segmenti Hadroj- Qafe Bene ka reshje bore, e kalueshme pa zinxhirë.

RAJONI QENDROR
• Në Steblevë rreth 20 cm dëbore, por rruga është e kalueshme pa zinxhirë.
• K/Zemblak – Dogana Goricë 10 – 15 cm dëbore është pastruar dhe spërkatur kalohet pa zinxhirë.
• Libonik – Kufi Gramsh dëborë rreth 10 – 15 cm, seg. K/Strelce kufi Gramsh është pastruar dhe qarkullohet pa zinxhiri.
• Segm. Krujë-Sari Salltik, qarkullohet normalisht.

RAJONI JUGOR
• Reshjet vijojnë me intensitet në Qafë Thane – Qafë Plloçe
• Në Qarkun Korçë ka reshje të dobëta dëbore. Trashësia varion nga 5cm-15 cm.
• Në rrugën e Dardhës nga km 8 ,- km 14 rekomandohen kalimi i mjeteve me zinxhirë ose goma dimërore pasi ka reshje dëbore shoqëruar me erë të fortë.


Shpërndaje lajmin

Leave a Reply

Your email address will not be published. Required fields are marked *