Parashikimi i motit 13 Maj 2024, temperatura deri në 30 gradë celsius

0
Shpërndaje lajmin

Vendi ynë, parashikohet të jetë nën ndikimin e kushteve atmosferike relativisht të qëndrueshme, ndërsa masat ajrore që qarkullojnë janë relativisht të lagështa.
Moti parashikohet me kthjellime dhe vranësira në shtim kryesisht nga orët e mesditës, të cilat hera –herës pasohen me reshje shiu me intensitet të ulët, ndërsa në relievet malore lokalisht mesatar në formën e shtrëngatave afatshkurtra, shoqëruar me shkarkesa elektrike e lokalisht breshër.
Në zonat luginore prani e mjegullës/ mjegullinës në orët e mëngjesit, si dhe në momentin e reshjeve.
Parashikohet rritje graduale e temperaturave, kryesisht ato të mesditës ku ditën e Enjte pritet që vendet e ulëta, të arrijnë deri në 30 gradë celsius.
Era parashikohet të jetë me drejtim juglindje – verilindje me shpejtësi mesatare 2-8m/sek, ndërsa përgjatë vijës bregdetare e lugina kryesisht ditën e enjte e të premte, fiton shpejtësi 12-16m/sek. Valëzimi në dete pritet të jetë i forcës 2-3 ballë.

Leave a Reply

Your email address will not be published. Required fields are marked *