Pas Bradley Cooper, Lady Gaga në krahë të Brad Pitt për ‘Trenin e plumbit’

Share

Nga Bradley Cooper te Brad Pitt, Lady Gaga di si të zgjedhë aktorët më të mirë të Hollivudit për të punuar. Ajo do të interpretojë së bashku me Brad Pitt në një film thriller aksion, të titulluar “Bullet Train”.

Sipas thashethemeve, këngëtarja dhe aktorja është në bisedime për t’u bashkuar me kastin, pas performancës së paharrueshme në “A Star Is Born”.

Përveç Brad Pitt, në kastin e “Bullet Train“ janë edhe shumë aktorë të tjerë kryesorë, duke përfshirë Joey King, Aaron Taylor Johnson, Zazie Beetz, Brian Tyree Henry, Andrew Koji, Masi Oka dhe të nominuarin dy herë për Oskar, Michael Shannon.

Por pavarësisht thashethemeve të vazhdueshme, emri i Lady Gaga nuk është konfirmuar ende.

“Bullet Train” është një përshtatje e romanit japonez “Maria Beetle nga Kotaro Isaka”. Thuhet se filmi do të qëndrojë në mjedisin japonez të librit dhe për këtë arsye do të xhirohet i gjithi në Japoni.

Filmi tregon historinë e pesë vrasësve, të gjithë brenda një treni, të përfshirë në rrethana misterioze.

Sa i përket rolit të Lady Gaga, nuk dihet ende asgjë, por një gjë është e sigurt: kjo mund të jetë diçka ndryshe për të cilën duhet të punojë, nga këndvështrimi i karrierës.

Edhe pse Lady Gaga fillimisht hyri në zemrat e fansave si këngëtare, publiku i gjerë e vlerësoi shumë atë edhe si aktore.

Ylli nga ana tjetër zbuloi se aktrimi ka qenë gjithmonë dashuria e saj e parë, por “Unë kurrë nuk do bëja si aktore, isha keq në audicione”, tha Gaga për E! News në 2018.

Në atë kohë, këngëtarja tregoi se ishte Bradley Cooper, regjisori i “A Star Is Born” dhe, rastësisht, një mik i mirë i Pitt, i cili e tërhoqi atë me sukses në botën e kinemasë.

The post Pas Bradley Cooper, Lady Gaga në krahë të Brad Pitt për ‘Trenin e plumbit’ appeared first on Media .


Share

Komente