Pepe: CR7 në Portugali? Është mirë në Itali. Kritikët nuk kuptojnë një gjë

Shpërndaje lajmin

Cristiano Ronaldo mund të largohet nga Juventusi në fund të sezonit, sidomos nëse bardhezinjtë dështojnë të sigurojnë kualifikimin për në Champions League. Ditët e fundit ka dalë në skenë edhe opsioni Portugali.

Mbrojtësi i njohur i Portos, Pepe e sheh të vështirë rikthimin në vendlindje të CR7, me të cilin ka luajtur e fituar te Real Madrid dhe kombëtarja. “Sinqerisht, duke pasur parasysh sesa mirë e njoh, nuk besoj se do e toleronte mënyrën si njerëzit flasin për futboll në Portugali.

Unë mendoj se ai është i lumtur në Torino. Cris është golashënuesi më i mirë i Serie A. Ata që e kritikojnë nuk ia kanë idenë sa e vështirë është të shënosh çdo vit mbi 30 gola. Është e pabesueshme ajo që po bën ai.

Shpresoj të qëndrojë edhe shumë vite në Itali, duke u dhënë gëzim e lumturi dashamirëve të futbollit dhe duke përfaqësuar Portugalinë ashtu siç ka bërë gjithmonë“, deklaroi mbrojtësi 38-vjeçar. /abcnews.al


Shpërndaje lajmin

Leave a Reply

Your email address will not be published. Required fields are marked *