Po hetohen alarmet e rrejshme për bombë në aeroportin e Prishtinës

Sërish të hënën përmes postës elektronike është raportuar se në aeroportin “Adem Jashari” janë pranuar dy kërcënime me mjete shpërthyese, përcjell albinfo.ch.
Raportohet se në raportin 24 orësh të Policisë së Kosovës nga njësitë policore fillimisht është bërë evakuimi i stafit të ANP Adem Jashari dhe i të gjithë udhëtarëve.
Tutje në raport bëhet e ditur më pas njësitë përkatëse kanë bërë kontrollimin e hapësirave e ANP Adem Jashari dhe nuk kanë rezultuar si kërcënime të vërteta.
“ANP Adem Jashari 06.02.2023 – 16:05. Raportohet se përmes postës elektronike në ANP Adem Jashari, janë pranuar dy kërcënime me mjete shpërthyese. Nga njësitë policore fillimisht është bërë evakuimi i stafit të ANP Adem Jashari dhe i të gjithë udhëtarëve. Më pas njësitë përkatëse kanë bërë kontrollimin e hapësirave e ANP Adem Jashari dhe nuk kanë rezultuar si kërcënime të vërteta”, thuhet në raport.
Po ashtu në raport thuhet së pasi është mbyllur alarmi, është kthyer funksionimi normal i aeroportit.
“Pastaj është mbyllur alarmi dhe gjithçka u është kthyer normalitetit. Në lidhje me rastin është konsultuar prokurori i shtetit, rasti vazhdon të hetohet”, thuhet në raport.