Qeveria e re në Kosovë, Kurti: Mazhorancën me deputetët e pakicave jo serbe

Share

Kryetari i Lëvizjes Vetëvendosje, Albin Kurti, flet për herë të parë për formimin e maxhorancës në Kuvend.

Në një intervistë për Agjencinë Bullgare të Lajmeve, ai shprehet i bindur se qeveria e tij do të ketë votat e nevojshme në parlament, pa pasur nevojë për një koalicion paszgjedhor me partitë kryesore.

Kurti bëri me dije se mund të marrë mbështetje nga deputetët e komuniteteve jo serbë dhe ndonjë ligjvënës tjetër opozitar.

Kreu i Lëvizjes Vetëvendosje foli edhe për dialogun me Serbinë, duke thënë se synon të hapë një kapitall të ri përmes bisedimeve të sinqerta.

Ai rikonfimoi se dialogu do të jetë prioritet i katërt i qeverisë së re të Kosovës, pas punësimit, drejtësisë dhe pandemisë Covid-19. Ndër të tjera tha se do të punojë me 5 vendet e Bashkimit Europian që se kanë njohur ende Kosovën që të ndryshojë qasjen e tyre.


Share

Komente