Rama: Në prill tjetër bonus për pensionistët
Kryeministri Edi Rama bëri të ditur sot se në muajin prill do të programojnë një tjetër bonus për pensionistët.
Përmes një postimi në faqen e vet në Facebook Rama shprehet se nisma ka për qëllim të ulë barrën e inflacionit të luftës për këtë shtresë.
“Të gjithë pensionistët po marrin këto ditë sipas premtimit bonusin e Pakos së Madhe dhe urojmë ta kenë sa më të mbarë e me shëndet të plotë, vitin që sapo ka nisur. Me marrjen e këstit të parë të taksës së jashtëzakonshme mbi eksportuesit e energjisë në muajin prill, do të programojmë një tjetër bonus për pensionistët, që barra e inflacioni i luftës për ta të vazhdojë të jetë sa më pak e ndjeshme”, shkroi Rama në Facebook.
LEXONI GJITHASHTU:
Meta: Pakoja e Madhe e ndihmës ekonomike një paketë qesharake
‘Pakoja e madhe, Rama zbulon shpërblimin për punonjësit e administratës