Sa vetura elektrike Gjermania synon t’i ketë deri më 2030

Share

vetura%20elektrike

Është bërë e ditur se Gjermania do të panifikojë ndërtimin e rreth 440 mijë stacioneve për rimbushjen e veturave elektronike deri në vitin 2030.

Këtë të dhënë e ka bërë publike një studim i porositur nga Ministria e Transportit në Gjermani, që u publikua të enjten.

Duhet theksuar se studimi gjeti se pas dhjetë vjetësh në rrugët e Gjermanisë do të qarkullojnë rreth 14.8 milionë vetura elektrike.

Aktualisht, Gjermania ka vetëm 33 mijë stacione publike për rimbushje të veturave elektrike.

Studimi parashikoi që dy të tretat e hapësirave private të parkimit deri në vitin 2030 do të kishin një pikë për rimbushjen e veturave por ato do të siguronin vetëm 41 për qind të energjisë elektrike të nevojshme për automjetet.

“Për më tepër, pikat publike të rimbushjes janë një domosdoshmëri”, thotë studimi.

Në qytete, ishte i nevojshëm një stacion publik i rimbushjes për 14 automjete, ndërsa, në fshat sipas studimit duhej vetëm një për 23 automjete.

The post Sa vetura elektrike Gjermania synon t’i ketë deri më 2030 appeared first on Albinfo.


Share

Komente