Sërish kaos qeveritar në Austri: Brenda një ditë japin dorëheqje dy ministre

Shpërndaje lajmin

S’ka rehati në qeverinë austriake. Pas shumë dorëheqjeve të njëpasnjëshme gjatë kohëve të fundit, sot ishte sërish një ditë jo e mirë. Gjatë ditës së sotme dy ministre nga Partia Popullore (ÖVP) kanë dhënë dorëheqje. Në mëngjesin e ditës së hënë fillimisht ka dhënë dorëheqje Ministrja e Bujqësisë dhe Turizmit, Elisabeth Köstinger, raporton albinfo.at
Që kur ish-kancelari Sebastian Kurz u largua nga politika në vitin 2021, Ministrja e Bujqësisë dhe Turizmit Elisabeth Köstinger kishte planifikuar të jepte dorëheqjen nga posti i saj. Köstinger konsiderohej si njeri i ngushtë i ish-kreut të qeverisë austriake, Sebastian Kurz.
“Tani është koha që unë të mbetem vetëm i lidhur me politikën dhe vendin,  me Partinë Popullore dhe të hap një kapitull të ri në jetën time”,  ka thënë Köstinger gjatë një konference për shtyp.
Ndërkohë, dy orë më vonë Ministrja e Dixhitalizimit dhe Ekonomisë ka marr po të njëjtin vendim. Ajo dorëheqjen e saj e ka njoftuar përmes një video në faqën e saj në Facebook.
“Pas gati pesë vitesh në politikën austriake, sot jap dorëheqjen si Ministër i Dixhitalizimit dhe Ekonomisë. Qëllimi im ka qenë gjithmonë që ta bëj vendin e biznesit më tërheqës dhe të punoj për njerëzit në këtë vend në mënyrën më të mirë të mundshme. Ishte një kënaqësi për mua që shoh të ardhmen për të ndihmuar në formimin e këtij vendi të madh. Faleminderit të gjithëve për bashkëpunimin e mirë!”, tha Schramböck në klipin e saj në Facebook, transmeton albinfo.at
Pas këtyre turbulencave në kabinetin qeveritar, kancelari Karl Nehammet ka deklaruar se postet në dy ministritë do të zëvendësohen gjatë ditëve të ardhshme ndërsa ka premtuar se do të këtë ndryshime të shumta në kabinetin qeveritar.

Leave a Reply

Your email address will not be published.