SHBA: Numri i të vdekurve nga Covi-19 po i afrohet 500,000

Share

Shtëpia e Bardhë pritet të konfirmojë në fillim të kësaj jave se gjysmë milioni njerëz kanë vdekur nga covid-19 në Shtetet e Bashkuara.

Numri i rasteve të reja të infektimit me korona është në rënie në Shtetet e Bashkuara, ashtu si edhe numri i vdekjeve të reja, pasi kufizimet dhe vaksinimet fillojnë të hyjnë në fuqi.

Në javën e kaluar, gati 68,000 raste të reja janë regjistruar çdo ditë, me 44 për qind më pak se dy javë më parë, sipas The New York Times.

Në të njëjtën kohë, numri i njerëzve në spital me covid-19 është përgjysmuar në një muaj.

Por, përkundër rënies, Shtetet e Bashkuara së shpejti do të kalojnë 500,000 vdekje me covid-19, sipas Universitetit Johns Hopkins – brenda një periudhe që shënon pak më shumë se një vit, pasi vdekjet e para në vend u raportuan në shkurt 2020, njofton Hbl, transmeton RTKLive.

Më vonë, megjithatë, u konfirmua nga autopsia se dy njerëz në Santa Clara, California, të cilët vdiqën më 6 dhe 17 Shkurt në shtëpitë e tyre përkatëse, kishin koronavirusin në trupat e tyre.

Të dy personat në Kaliforni nuk kishin udhëtuar jashtë vendit, por ndoshta ishin infektuar në komunitet.

“E tmerrshme, sepse ne nuk kemi parë asgjë as afër për më shumë se 100 vjet, që nga pandemia e gripit në vitin 1918 (gripi spanjoll)”, tha këshilltari i Shtëpisë së Bardhë Anthony Fauci për NBC.

“Është diçka e habitshme kur shikon numrat, pothuajse e pabesueshme, por është e vërtetë”, shtoi ai.

Fauci thotë për CNN se ai beson se do të ketë një situatë më normale në vend deri në fund të vitit, por që është e mundur që amerikanët të vazhdojnë të përdorin maskën edhe vitin e ardhshëm.

Presidenti Joe Biden pritet të mbajë një fjalim dhe të marrë pjesë në një ceremoni të lehtë në Shtëpinë e Bardhë kur numri i të vdekurve të ketë kaluar gjysmë milioni, gjë që mund të ndodhë që të hënën.

Në nivel botëror, numri i vdekjeve nga covid-19 po i afrohet 2.5 milionshit.

Ndërkohë që, sikundër bëhet e ditur nga Universitetit Johns Hopkins, 111 milionë njerëz janë konfirmuar të infektuar me koronavirus./arbresh.info/


Share

Komente