Shefi i komisionit të vaksinimit: Zbutja e masave në Zvicër, jo para verës

Share

rhus city life creek cafe restaurant river riverside sums 691615.jpgd  587x391 1

“Derisa shumica e njerëzve të grupeve të rrezikuara dhe personat që kanë pasur kontakte të ngushta me ta nuk janë vaksinuar, masat kundër koronës në Zvicër nuk duhet të zbuten”.

Kështu është shprehur kryetari i Komisionit Federal të Vaksinimit, Christoph Berger, në një intervistë për “Tages-Anzeiger”.

Ai vlerëson se ky proces do të zgjasë tre muaj, transmeton albinfo.ch. Edhe në muajt pas kësaj, nuk është e këshillueshme që të hiqen masat, ka thënë infektologu i përmendur. Sipas mendimit të z. Berger, masat duhet të bëhen edhe më të rrepta në mënyrë që “të ulet ndjeshëm numri i rasteve sa më shpejt të jetë e mundur”.

Kjo ka të bëjë sidomos me variantet e reja të virusit, të cilat Berger thotë se do të përhapen, përcjell albinfo.ch.

Kur numri i infeksioneve të zvogëlohet ndjeshëm, kur të jenë aprovuar edhe vaksina të tjera dhe të ketë mbaruar vaksinimi”, atëherë ne ndoshta mund të fillojmë me zbutjen e masave në gjysmën e dytë të vitit, ndoshta pak më herët”.

Këtë e thotë infektologu, i cili përkundër fushatës së vaksinimit nuk beson se numri i rasteve në Zvicër do të ulet në tremujorin e parë, transmeton albinfo.ch. Zvicra ka shumë pak doza vaksinash për ta arritur këtë në një afat të tillë.


Share

Komente