November 29, 2021

Shqiptarët “pushtojnë” MTV Awards, Rita Ora, Dua Lipa, Gjon’s Tears dhe Loredana

Shpërndaje lajmin

“MTV Awards” është njëri nga eventet më të popullarizuara në gjithë botën, ku marrin pjesë artistë të nivelit botëror në sukseset e muzikës që ata bëjnë. Padyshim se shqiptarët janë bërë storie suksesi me talentin e tyre, transmeton albinfo.ch.

Rita Ora do të jetë në rolin e prezantueses, duke dhënë çmimet për këngëtar të ndryshim që janë të nominuar.

Duke qenë se MTV Europe Music Awards, është një nga ngjarjet më të mëdha muzikore, do të mbahet më 14 nëntor në Budapest të Hungarisë.

Artistja tjetër nga Kosova me famë ndërkombëtare, Dua Lipa, është e nominuar për njërën kategori të çmimeve në këtë mbrëmje ceremoniale.

“Artisti/ja më i/e mirë i/e zhanrit pop”, është kategoria në të cilën Lipa është e nominuar, me emra të njohur nga e gjithë bota siç janë: BTS, Doja Cat, Ed Sheeran, Justin Bieber etj.

Në anën tjetër, “MTV EMA” do të bëjë ndarjen e çmimit për artistin më të mirë të vitit në secilin shtet përkatës evropian.

Muzika nuk ka kufi dhe këtë e kanë dëshmuar më së miri artistët shqiptarë. Gjithnjë e më shumë artistë nga Kosova dhe Shqipëria po shtohen në tregun muzikor ndërkombëtar.

Për shtetin e Zvicrës janë të nominuar dy artistë shqiptarë: Loredana Zefi dhe Gjon Muharremaj. /Albinfo.ch


Shpërndaje lajmin

Leave a Reply

Your email address will not be published. Required fields are marked *